ஆப்கானிஸ்தானில் பல்வேறு இடங்களில் நேற்றுமுன்தினம் நடந்த தாக்குதல் சம்பவங்களில் 24 பேர் பலியாகியுள்ளனர்.
காந்தகார் நகர பொலிசாருக்கு அங்குள்ள ஒரு குடியிருப்பு பகுதியில் வெடிகுண்டு வைக்கப்பட்டுள்ளதாக தகவல் கிடைத்தது.
பொலிசார் விரைந்து சென்று மறைத்து வைக்கப்பட்டிருந்த வெடிகுண்டை கண்டுபிடித்தனர். இது தொடர்பாக 3 பேரை கைது செய்தனர்.
அவர்கள் திரும்பி வந்து கொண்டிருந்தபோது, சாலையில் புதைத்து வைக்கப்பட்டிருந்த குண்டு வெடித்தது. இதில் சிக்கி 8 பொலிசார், கைது செய்யப்பட்ட இருவர் இறந்தனர்.
குண்டஸ் மாகாணத்தில் மோட்டார் சைக்கிளில் வந்த தற்கொலைப்படை தீவிரவாதி குண்டை வெடிக்கச் செய்ததில் 10 பொலிசார் கொல்லப்பட்டனர்.
கான்ஸ்னி நகரில் சைக்கிளில் வைக்கப்பட்டிருந்த குண்டு ரிமோட் மூலம் வெடிக்கச் செய்யப்பட்டதில் பொலிஸ் உள்ளிட்ட இருவர் இறந்தனர்.
|
|